Marta María Jónasdóttir
martamaria@mbl.is

Söngkonan Leoncie hefur vakið mikla athygli á youtube.com en lag hennar Litli sjóarinn er á lista yfir mest skoðuðu myndböndin í síðustu viku.

Þegar Smartland heyrði í Leoncie var hún alsæl með árangurinn. 

„Ég er mjög hamingjusöm, en þetta er ekki í fyrsta skipti sem ég kemst inn á þennan lista. Ég hef fengið margar fyrirspurnir um að skemmta á Íslandi,“ segir Leoncie sem búsett er í Bretlandi um þessar mundir.

Hún segist ekki vera hætt og segist hafa mikið að gera.

„Ég er svo upptekin og ég held áfram að semja íslensk lög og gefa út tónlistarmyndbönd.“

HÉR má sjá mest skoðaða listann á youtube.com og HÉR er hægt að hlusta á lagið.