Svaf ekki hjá í ár
Leikkonan Courteney Cox hefur verið orðuð við ýmsa menn síðan hún skildi við eiginmann sinn David Arquette. Hún mætti í viðtal til Howards Sters, sem er með útvarpsþáttinn Sirius XM, og þegar hún var spurð hvort hún væri byrjuð með Josh Hopkins þverneitaði hún því.
„Ég hef ekki sofið hjá í ár,“ sagði hún og hló.
Hún segist vera heimakær og elska að fá vini sína í heimsókn. Þegar hún er spurð hvort henni finnist gaman úti á lífinu neitar hún því.
Arquette var partíljónið í sambandinu að sögn Cox og segir hún að hann elski ennþá að fara út að dansa þótt hann sé hættur að drekka vín.
„Hann elskar að vera þar sem stuðið er, ég er miklu heimakærari.“
Aðspurð hvernig henni líði með það að hann sé kominn með kærustu játar hún að það sé skrýtið. Kærasta hans heitir Christina McLarty.
Cox og Arquette eiga saman sjö ára gamla dóttur sem heitir Coco.
