Það verður margt um að vera í Hinu húsinu nú um helgina í tengslum við Vetrarhátíð í Reykjavík. Meðal viðburða má nefna að í dag klukkan 17-22 verður Ung Topp, - félagsstarf fatlaðra ungmenna, með opið hús í kjallara Hins hússins.

Klukkan 19 í dag verður einnig opnuð sýningin ÞORIR ÞÚ, Ljósberar og draugagangur í Mögnuðu Myrkri. Sýningin er innsetning sem varpar á ljósi á aðbúnað fanga sem vistaðir voru í Tukthúsinu í Pósthússtræti 3 í Reykjavík á síðustu öld. Sýningin er innsetning í kjallararýminu – fyrrum tukthúsi þar sem notað verður hljóð og ljós til að skapa stemningu „Magnaðs Myrkurs“ til að virkja skilningarvit sýningargesta jafnt líkamleg sem andleg til að færa þeim söguna á áþreifanlegan hátt. Upplýsingar um fleiri viðburði má nálgast á vetrarhatid.is.