Middleton ein á Valentínusardaginn
Katrín Middleton, hertogaynja af Cambridge, verður án ástarinnar á Valentínusardaginn því Vilhjálmur prins er á Falklandseyjum. Hún lætur sér þó ekki leiðast þar sem hún sinnir góðgerðarmálum í dag.
Hún mun heimsækja fyrsta áfengislausa barinn í Liverpool og svo heimsækir hún spítala fyrir veik börn.
Heimildarmaður The Mirror segir að hún muni heimsækja krabbameinsveik börn á spítalanum Alder Hey, sem er barnaspítali.
Uppfært klukkan 14:08
En þrátt fyrir að hertogaynjan hafi verið án eiginmannsins í dag fékk hún blóm í tilefni dagsins frá átta ára gömlum aðdáanda, Jaqson Johnston-Lynch. Hann færði henni rauðar rósir, Valentínusarkort og köku í tilefni dagsins. Skrifaði hann í kortið: Til hamingju með Valentínusardaginn kæra Kata. Ég elska þig frá Jaqson,“ sagði aðdáandinn ungi við fréttamenn í dag.
