Marta María Jónasdóttir
martamaria@mbl.is

Alheimsfegurðardrottningin Linda Pétursdóttir á 10 ára edrúafmæli í dag en hún hætti að drekka áfengi 2002. Á facebooksíðu sinni segist Linda vera alsæl með þessi 10 ár.

„Lífið byrjaði í raun fyrst þegar ég varð edrú. Það er ekki hægt að líkja lífinu í dag saman við líf þar sem maður er undir oki Bakkusar alla daga,“ segir Linda.

Aðspurð um líðan sína í dag segist hún vera í fantagóðu formi.

„Mér líður mjög vel í dag. Ég er búin að fara á góða æfingu og í sauna. Svo er það göngutúr í góða veðrinu með familíunni minni og svo er kærastinn að bjóða mér út að borða í kvöld í tilefni áfangans,“ segir Linda.