Kim Kardashian er búin að finna ástina á ný eftir að hún skildi við eiginmann sinn til 72 daga, Kris Humphries. Sá heppni heitir Kanye West og er rappari. Parið eyddi helginni saman í New York var eftir því tekið, þegar þau löbbuðu um stræti stórborgarinnar, hvað þau virtust ástfangin.
Parið hefur verið að hittast mikið upp á síðkastið en þau eru þó búin að þekkjast í meira en tvö ár. Upphaflega ætlaði Kardashian að eyða helginni með móður sinni, Kris Jenner, og Khloé systur sinni. Þríeykið var varla komið inn á hótel þegar West mætti og Kardashian hvarf á braut með honum. Parið borðaði meðal annars á veitingastaðnum Mercer Kitchen segir í vefútgáfu Life & Style. Mercer Kitchen er í SoHo í New York og afar heitur veitingastaður. Heimildarmaður Life & Style sagði að þau hefðu mætt rétt eftir hádegi og verið á staðnum til klukkan þrjú um daginn. „Þau litu út fyrir að vera mjög ástfangin,“ sagði heimildarmaður.