Eva Mendes verslar í Víði

Það sást til Evu Mendes í matvöruversluninni Víði við Hringbraut síðdegis í dag. Ekki er vitað hvaða erindi hún átti þangað en heimildir herma að hún hafi boðið af sér góðan þokka. „Já, hún var mjög almennileg,“ sagði einn starfsmanna verslunarinnar. Aðspurður hvað Mendes hafi keypt segist hann ekki vita það en sá sem afgreiddi hana var farinn heim af vaktinni.

Verslunin er þekkt fyrir að hafa gott úrval af íslensku grænmeti auk annarra landbúnaðarvara og lögð er áhersla á hreinleika varanna og gæði. Það má því draga þá ályktun að Mendes sé ekki dottin í sukkið að þessu sinni enda er hún annáluð fyrir heilsusamlegt líferni og glæsilegt útlit.

Verslunin Víðir stendur á horni Hringbrautar og Ánanausta í Vesturbæ Reykjavíkur. Morgunblaðið/Júlíus

• Blogga um frétt