„Til að forðast allan misskilning og róa stóra bróður minn sem hringdi í mig í ofboði áðan ... þá vil ég taka það sérstaklega fram að ég er ekki búin að skipta um eiginmann. Við Guðjón erum enn hamingjusamlega gift!“ segir Ragnheiður Elín Árnadóttir, iðnaðar- og viðskiptaráðherra, á facebooksíðu sinni.
Með þessum skilaboðum var mynd af umfjöllun um þorrablótið í Garðabæ á baksíðu Fréttablaðsins í dag. Þar kemur fram að Ragnheiður Elín hafi mætt með eiginmanni sínum og svo er kaupmaðurinn Jón Gerald Sullenberger nefndur:
„Á meðal viðstaddra voru m.a. Ragnheiður Elín Árnadóttir iðnaðarráðherra, eiginmaður hennar, Jón Gerald Sullenberger kaupmaður, [...].“
Þess má geta að Ragnheiður Elín er gift Guðjóni Inga Guðjónssyni framkvæmdastjóra og á Facebook sagði hann eftirfarandi:
„Já nú skil ég hvað þú, Ragnheiður Elín Árnadóttir, áttir við þegar þú sagðir í brúðkaupinu okkar að ég væri góður KOSTUR.“
HÉR er hægt að skoða myndir af Þorrablóti Stjörnunnar.