Smartland Mörtu Maríu | Frægð | mbl | 29.1.2015 | 15:44

Vinir Ásdísar Ránar fækka fötum

Hér er Ásdís Rán Gunnardóttir á milli Audda Blö og Steinda en danshópurinn stílseraði þá fyrir myndatökuna.

„Þetta eru strákar sem ég þekki frá Búlgaríu, þeir voru að aðstoða okkur við tökur á Evrópska draumnum þegar Auddi og Steindi komu til Búlgaríu. Ég réð þá til að stílisera svona „Hunk“ calendar myndadtöku með Audda og Steinda sem var eitt af verkefnunum sem þeir þurftu að klára í Sofíu. Síðan þá þá hafa þeir verið að láta sig dreyma um að koma til Íslands og búnir að heyra mikið um Íslenskar konur og náttúruna þeir létu svo verða af heimsókninni núna,“ segir Ásdís Rán Gunnarsdóttir fyrirsæta um danshópinn Grandos sem er væntanlegur til landsins.

„Þeir verða með svaka „SHOW“ á Spot 19. og 20. febrúar og ná vonandi að hlýja okkur skvísunum hérna á klakanum. Miðasalan er hafin á miði.is og ég bara vona að þeim líki vel við land og þjóð og að konurnar taki vel á móti þeim. Þeir eru svakalega klárir dansarar og eru 3 með show þar sem þeir koma fram í hinum ýmsu búningum í anda Magic Mike og dansa, svo er hægt að fá þá til að gleðja afmælisbörn og fleira. Þeir eru búnir að troðfylla staðina út um alla Evrópu og nú er röðin komin að okkur hérna í kuldanum,“ segir hún.