Jenný Ólafsdóttir sölufulltrúi hjá Sumarferðum ákvað að slá á létta strengi ásamt Kristbjörgu Konu Kristjánsdóttur sölustjóra.
„Myndabandið var spontant, okkur finnst þetta veður sem við búum við bara svo fyndið. Við Jenny höfum einu sinni áður gert svona myndband fyrir Facebook, fólki fannst það skemmtilegt og í dag gaf veðrið okkur aftur innblástur. Sumarferðir selja Íslendingum ferðir í sólina á hverjum degi og það verður stundum svo súrrealískt fyrir okkur starfsmennina að sitja hér heima í kuldanum en samt vera svo nálægt því að vera í sólbaði úti í heimi,“ segir hún og hlær.