Valur Heiðar Sævarsson tónlistarmaður sem er oftast kenndur við hljómsveitina Buttercup á von á sínu fyrsta barni með unnustu sinni, Hrafnhildi Ragnarsdóttur. Von er á barninu næsta sumar en Valur birti sónarmynd á Facebook-síðu sinni.
„Fékk að finna fyrstu spörkin í gegnum magann núna á sunnudaginn svo að þetta varð allt miklu raunverulegra fyrir okkur þó að við værum búin að sjá krílið busla í sónar,“ skrifaði hann.
Smartland Mörtu Maríu óskar þeim til hamingju með væntanlega fjölgun í fjölskyldunni.