Fýlupúkanum Kanye West var ekki skemmt á rauða dreglinum á Time 100-hátíðinni í gær þegar grínleikkonan Amy Schumer lét sig detta kylliflata fyrir framan hóp ljósmyndara. Kanye stillti sér upp fyrir framan ljósmyndara með eiginkonu sinni, Kim Kardashian, þegar Schumer þóttist detta óviljandi og lenti við fætur þeirra. Kanye stökk ekki bros og labbaði í burtu.
Kanadíska leikkonan vakti svo sannarlega mikla athygli með uppátæki sínu og kom viðstöddum til að hlæja, öllum nema Kanye sjálfum. Kim virtist þó kunna að meta þennan gjörning og gat hlegið af Schumer.
„Ég sá þau og ég sagði við kynningarfulltrúa minn: „get ég látið mig detta?“ og hún sagði: „ég get ekki stoppað þig“,“ sagði Schumer í viðtali við Time seinna um kvöldið.