Heiða og Snorri eiga von á barni

Söngkonan Heiða Ólafsdóttir á von á barni með kærasta sínum Snorra Snorrasyni sem varð frægur á einni nóttu þegar hann vann Idol Stjörnuleit þrjú. Heiða varð í öðru sæti í Idol Stjörnuleit 2. 

„Hamingjan heldur áfram að knýja dyra hjá okkur og nú í sinni allra fallegustu og stærstu mynd. Við erum svo blessuð að eiga von á erfingja í október. Gleðin búin að fylla hjörtun okkar síðan við vissum af þessum vaxandi ávexti ástarinnar. Hér er svo nýjasta myndin af gimsteininum sem var aldeilis hress þegar við kíktum í mallann í dag, lék á alls oddi og gerði bara „klesstann“ framan í okkur eins og sjá má þegar vel er að gáð smile emoticon,“ segir Heiða á Facebook-síðu sinni.

Heiða og Snorri eru búin að vera par í rúmlega ár og blómstrar ástin sem aldrei fyrr.