Þær Reese Witherspoon og Sofia Vergara voru glæsilegar á rauða dreglinum í gær á sýningu kvikmyndarinnar Hot Pursuit. Þær stöllur klæddust báðar rauðu og héldu þéttingsfast hvor utan um aðra allan tímann.
Kjóll Vergara vakti sérstaka athygli en hann kemur úr smiðju breska hönnuðarins Amöndu Wakeley. Vergara klæddist gylltum skóm með opinni tá við kjólinn á meðan Witherspoon klæddist rauðum skóm við sinn rauða kjól.
Witherspoon og Vergara fara með aðalhlutverk í kvikmyndinni Hot Pursuit sem er nýkomin í kvikmyndahús.