Fyrirsætan Chrissy Teigen birti krassandi ljósmynd af sér á Instagram á dögunum. Á myndinni var Teigen berbrjósta í háum nærbuxum og hvítum stígvélum. Flestir virtust sáttir með myndbirtinguna en auðvitað voru nokkrir einstaklingar sem helltu sér yfir Teigen og gagnrýndu líkama hennar. Einn vildi meina að barneignir hefðu „rústað“ líkama hennar.
Teigen er greinilega húmoristi því hún vakti athygli á athugasemdinni og minnti fylgjendur sína á að hún er barnlaus. „Ég get ekki hætt að hlæja að þessu,“ skrifaði fyrirsætan um athugasemdina.
Ljósmyndinni hefur verið eytt þar sem hún brýtur í bága við reglur Instagram.