Pamela Anderson er óþekkjanleg

Kyntáknið Pamela Anderson er óþekkjanleg á nýjum myndum sem ljósmyndarinn Luke Gilford tók af henni. Anderson, sem er hvað þekktust fyrir leik sinn í þáttunum Baywatch sem strandvörðurinn C. J. Parker, hefur ætíð þótt mikið kyntákn.

Gilford er afar þekktur ljósmyndari og hefur starfað fyrir Dazed & Confused, V Magazine, GQ Style og The New York Times. Þá hefur hann einnig verið að gera stuttmyndir og lék Anderson í einni slíkri. Myndirnar af Anderson eru afar nútímalegar og sýna hana í allt öðru ljósi en áður. Kannski að þetta sé byrjun á nýjum kafla í lífi Anderson í hátískuheiminum.

Anderson deildi nýverið innleggi á heimasíðu sinni þar sem að hún lofaði Gilford og þakkaði fyrir samstarfið.

Á heimasíðu Gilford má sjá myndaþáttinn í heild sinni. 

Anderson er afar glæsileg. Ljósmynd/Luke Gilford

• Blogga um frétt