Leikarinn Jake Gyllenhaal þyngdist um 13 kíló af vöðvamassa og missti nær alla fitu fyrir hlutverk sitt sem hnefaleikakappinn Billy Hope í myndinni Southpaw.
Gyllenhaal æfði sig í tíu mánuði fyrir hlutverkið með því að gera 1000 axlapressur tvisvar á dag og hlaupa átta kílómetra á hverjum degi. Auk þess eyddi hann miklum tíma í hnefaleikakennslu til að búa sig undir hlutverkið.
„Þú ferð að trúa á sjálfan þig og veist að þú getur barist. Þegar maður er kominn í svona gott form öðlast maður afar mikið sjálfstraust, manni líður eins og dýri.“
Gyllenhaal byrjaði að búa sig undir þetta hlutverk um leið og hann lauk við tökur á myndinni Nightcrawler þar sem hann lék ljósmyndarann Lou Bloom. Fyrir þá mynd borðaði leikarinn aðeins kál, tuggði tyggjó og hljóp 24 kílómetra á dag.
Á vefnum SkyNews viðurkennir leikarinn að sér finnist gaman að breyta líkamanum fyrir ný hlutverk.