Johnny Depp, sem eitt sinn var heitasti gæinn í Hollywood, virðist vera að detta aftur á markaðinn en eiginkona hans til 15 mánaða hefur sótt um skilnað.
Depp gekk að eiga leikkonuna Amber Heard í febrúar 2015, en athöfnin fór fram á Bahamas-eyjum, Skötuhjúin höfðu þá átt í sambandi um nokkurt skeið en þau kynntust við tökur á kvikmyndinni The Rum Diary árið 2011.
Mörgum þykir vera farið að halla undan fæti hjá Depp, en á sínum yngri árum gerði leikarinn kvenpeninginn snælduvitlausan. Enda var hann orðaður við hverja fegurðardísina á fætur annarri.
Depp hefur þrisvar verið kvæntur, auk þess sem hann hefur trúlofað sig nokkrum sinnum. Hann átti til að mynda í sambandi við leikkonuna Winonu Ryder og fyrirsætuna Kate Moss. Þá var hann einnig kvæntur söngkonunni Vanessu Paradis í 14 ár, en saman eiga þau tvö börn.