Ofurfyrirsætan Kate Moss yngdi upp á dögunum þegar hún skipti 28 ára gömlum kærasta sínum, Nikolai von Bismarck, út fyrir 18 ára pilt að nafni Jake Curtis.
Samkvæmt frétt Daily Mail er Moss, sem er 42 ára gömul, að hitta son vinar síns, leikstjórans Richard Curtis.
„Já það er satt að hún og Nikolai eru ekki lengur saman,“ er haft eftir vini Moss. „Og það er líka satt að hún hefur notið þess að eyða tíma með Jake. Hún hefur verið spennt fyrir yngri karlmönnum síðan hún varð þrítug. Hún lítur á það sem heiður að eyða tíma með ungu og töff fólki í stað þess að breytast í gamla kerlingarálku.“