Crystal Hefner, eiginkona Hugh Hefner, lét fjarlægja fyllingar úr brjóstum sínum sem hún segir að hafi hægt og rólega valdið henni miklum veikindum.
Hefner gekkst undir aðgerðina í janúar, en hún greindi frá baráttu sinni í langri Facebook-færslu á dögunum.
„Brjóstapúðarnir mínir eitruðu hægt og rólega fyrir mér,“ segir Hefner sem segist hafa þjáðst af óþoli fyrir mat og drykk, óútskýrðum bakverkjum, stöðugum verkjum í hálsi og öxlum í bland við þreytu, minnkaðan hárvöxt og endurteknar sýkingar.
Fyrr á árinu greindi Hefner frá því að hún væri haldin Lyme-sjúkdómnum, en nú segist hún viss í sinni sök að brjóstapúðarnir hafi verið rót vandans.
„Ég fór að fá skilaboð þar sem mér var sagt að einkennin mín minntu á „brjóstapúðaveiki“. Ég fann vefsíðu um veikina og hóp á Facebook, en einkennin mín voru sams konar og þar var lýst.“
Hefner segist hafa fundið mikinn mun á sér skömmu eftir að púðarnir voru fjarlægðir.
„Ég tók strax eftir því að verkurinn í hálsi og öxlum var horfinn og ég átti mun auðveldara með að anda. Ég veit að ég mun ekki ná mér á einni nóttu, púðarnir voru átta ár að eitra líkama minn, þannig að ég veit þetta mun taka sinn tíma.