Þetta borðar J. Lo til að halda sér í formi

Söng- og leikkonan Jennifer Lopez er í hörkuformi enda æfir hún af kappi og borðar hollan og góðan mat. Lopez æfir undir handleiðslu stjörnuþjálfarans Tracy Anderson, en þess á milli er hún ekkert að háma í sig súkkulaði.

Anderson segir stjörnuna borða mikið af grænmeti og lítið af unnum matvælum. Þá segir hún stjörnuna eingöngu leggja sér ferskan og lífrænan mat til munns þó að hún notist stundum við próteinduft.

Svona lítur hefðbundinn matseðill stjörnunnar út:

Morgunmatur
Venjulega byrjar Lopez daginn með próteinþeytingi og koffeinlausu kaffi.

Hádegismatur
Í hádegismat verður salat með hollum próteingjafa oft fyrir valinu. Söngkonan er hrifin af laxi.

Kvöldmatur
Uppistaðan í kvöldmat söngkonunnar er venjulega heilkorn, líkt og kínóa, ásamt mögrum próteingjafa.

Samkvæmt frétt Byrdie er það síðan tvennt sem stjarnan lætur ekki inn fyrir sínar varir, en það er kaffi og áfengi.

Það er augljóst að söngkonan lifir heilsusamlegu lífi. AFP

• Blogga um frétt