Breska konungsfjölskyldan hefur mikil áhrif á kauphegðun almúgans, enda seljast fötin sem meðlimir hennar klæðast opinberlega jafnan eins og heitar lummur.

Sú var einnig raunin eftir að litla fjölskyldan sást gera sér glaðan dag í Kanada í gær, þar sem þau eru í opinberri heimsókn. Hjónin og börnin þeirra tvö skemmtu sér konunglega, líkt og gera má ráð fyrir, á barnahátíð. Litlu krílin fengu að sletta úr klaufunum, en að sjálfsögðu voru þau sérlega fallega klædd.

Karlotta prinsessa klæddist fallegum kjól frá Pepa & Co, en merkið er í miklu uppáhaldi hjá foreldrum hennar. Að sjálfsögðu seldist kjóllinn upp á augabragði eftir að myndir af stúlkunni birtust í fjölmiðlum, en hann mátti fá á heimasíðu verslunarinnar.

Að sjálfsögðu er hönnuður kjólsins, Pepa Gonsales, sérdeilis kát með auglýsinguna.

„Við erum himinlifandi að hertogaynjan hafi valið merkið okkar fyrir heimsóknina,“ sagði Gonzales í viðtali við Daily Mail.

Kjóllinn sem Karlotta prinsessa klæddist rauk út. Ljósmynd / skjáskot Daily Mail

Prinsessan skemmti sér konunglega á barnahátíðinni. Ljósmynd / skjáskot Daily Mail

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt