Sérfræðingur í siðareglum hefur greint frá því hvers vegna litli prinsinn Georg sé ávallt klæddur stuttbuxum, en það hefur ekkert með það að gera hversu heitfengur drengurinn er.
Margir hafa furðað sig á því hvers vegna hin konunglegu systkini séu ávallt klædd líkt og þau séu að leika í kvikmynd sem gerist á sjötta áratugnum. En samkvæmt William Hanson, sérlegum ráðgjafa Daily Mail sem er sérfróður um siðareglur, snýst þetta allt um stétt og stöðu.
Þá segir hann að stuttbuxur á ungum drengjum sé óskráð regla sem beri merki um að piltarnir tilheyri efri stétt, en síðbuxur geri þá úthverfalega. Og það hugnast að sjálfsögðu ekki konungbornu fólki.
„Ekki aðeins þarf hertogaynjan að hafa áhyggjur af eigin klæðaburði opinberlega, heldur þarf hún að klæða börnin sín og finna jafnvægi á milli konunglegra hefða og arfleiðar auk alþýðusiða svo sem að klæða unga drengi í síðbuxur.“
„Ég held þó að Katrín hafi ekki tileinkað sér siðinn nýlega. Ég býst við að móðir hennar, sem og vinkonur hennar, hafi vitað af þessari óskráðu reglu og klætt drengi sína samkvæmt henni.“