Tónlistarkonurnar Kelly Rowland og Michelle Williams mættu saman á ELLE Women in Hollywood-verðlaunahátíðina í Los Angeles á mánudaginn og voru límdar saman allt kvöldið að sögn sjónarvotta. Þær eru greinilega perluvinkonur og hafa verið það síðan þær voru saman í hljómsveitinni Destiny's Child á sínum tíma ásamt Beyoncé.
Báðar voru þær glæsilegar þetta kvöldið, Kelly klæddist vínrauðum pallíettukjól og Michelle var í fölbleikum síðkjól.