Glansandi fín á síðasta jólakortinu

Fráfarandi forseti Bandaríkjanna, Barack Obama, forsetafrúin Michelle Obama og dætur þeirra, Sasha og Malia, litu stórglæsilega út á árlegu jólakorti sem sent var út á dögunum.

Samkvæmt venju eru kort send til vina, stuðningsmanna og fjölmiðla en þetta er síðasta kortið sem Obama mun senda út, enda tekur Trump við á nýju ári.

Jólakortið er fremur hefðbundið, en framan á því er að finna ljósmynd af fjölskyldunni í sínu fínasta pússi.

Ef marka má umræðu á samfélagsmiðlum munu margir sakna fjölskyldunnar ógurlega, enda deildi fólk myndum af jólakortinu í gríð og erg.

Fjölskyldan skartaði sínu fínasta pússi og var jólakortið glæsilegt eftir því. Skjáskot / Elle

• Blogga um frétt