Sterkar konur í forgrunni

Erlendur Sveinsson.
Erlendur Sveinsson.

Erlendur Sveinsson stundar nám í leikstjórn við Columbia University í New York. Hann býr í Brooklyn ásamt konu sinni, Helgu Jóakimsdóttur. Hann leikstýrði nýjasta myndbandi East of My Youth við lagið Stronger. Sigga Regína framleiddi myndbandið, Markus Englamair sá um kvikmyndanatöku og Helga stíliseraði það. Erlendur er alsæll í New York. 

„Við höfum verið hér í rúmlega þrjú ár og kunnum virkilega vel við okkur. Námið er mjög krefjandi og ég hef verið mikið í auglýsingagerð samhliða því svo það er alltaf nóg að gera. Ég hef fengið að kynnast senunni í New York ansi vel og hef kynnst frábæru fólki,“ segir Erlendur sem er höfundur nýjasta myndbands East of My Youth við lagið Stronger. 

„Ég þekki Herdísi og Thelmu vel og er mikill East of My Youth aðdáandi svo þegar þær höfðu samband við mig um að gera myndband var þetta aldrei spurning. Lagið talaði strax til mín og bauð upp á eitthvað virkilega spennandi,“ segir hann. 

„Ég held að það séu ótal leiðir til að túlka frásögnina í myndflæðinu en í hugmyndavinnuni leytaðist ég eftir leið til að sýna styrk í frumlegu samhengi. Mig langaði að sýna nærmynd af konu sem væri atvinnu „bodybuilder“ og væri búin að eiga farsælan feril í faginu en væri að eldast og komin yfir blóma ferilsins. Myndbandið átti alltaf að vera einhverskonar heimildarmynd um þessa konu og lagði ég af stað í ferðalag inn í „bodybuilding“ senuna í New York sem var ansi áhugavert og gefandi,“ segir hann. 

Erlendur segir að það hafi tekið töluverðan tíma að finna réttu manneskjurnar í myndbandið. 

„Eftir ótal tölvupósta, símtöl og hittinga endaði ég á því að finna þrjár konur sem voru allar mjög ólíkar en áttu það sameiginlegt að vera helteknar af lyftingum og æfingum svo ég ákvað að hafa myndbandið þrískipt.

Sú fyrsta var Elise sem býr á Long Island. Hún er IFBB pro fitness módel sem er búin að vera lengi í bransanum. Hún æfir tvisvar á dag, er einstæð móðir og er búin að upplifa marga erfiðleika í lífi sínu. Hún er algjör töffari með frábært lífsviðhorf og er að undirbúa sitt comeback í senunni.

Svo kom Gloria. Hún býr í Chinatown og kenndi íþróttir í grunnskóla í yfir 30 ár og gerðist svo einkaþjálfari. Hún stundar Thai Chi, skokkar á ströndinni og dansar við Erobic myndbönd heima hjá sér á hverjum morgni. Hún var nýbúin að missa manninn sinn þegar ég hitti hana en hann hafði verið lengi veikur. Hún er að byrja líf sitt uppá nýtt segir hún og er að elta æskudraum sinn um að verða leikkona.

Að lokum var það Ashley. Hún býr í Staten Island og er NY fylkismeistari í Ólympískum lyftingum. Hún er virkilega metnaðarfull og stefnir á Ólympíuleikana. Hún var í sjóhernum í mörg ár og talar vel um þá reynslu. Hún er einstæð móðir og býr með syni sínum í NY og vinnur hart að markmiðum sínum,“ segir hann. 

Erlendur segir að konurnar þrjár hafi verið ótrúlega opnar og hlýlegar. 

„Við tökurnar á myndbandinu voru þær allar ótrúlega opnar og hleyptu okkur inn á heimilið sitt þar sem við mynduðum þeirra rútínu í bak og fyrir. Ég held að hver og einn upplifi myndbandið á sinn hátt. Ég lagði ekki upp með einhvern sérstakan boðskap heldur laðaðist ég að karakterunum og vildi sýna glugga inn í líf þeirra. Ég sé margt sameiginlegt með líkamsrækt og trúarbrögðum. Fólk tilbiður líkama sinn og líkamsræktarstöðin er kirkjan. Það varð svo myndræna nálgunin sem við völdum.“

Þegar Erlendur er spurður að því hvað sé framundan segist hann vera á kafi í verkefnavinnu í skólanum. 

„Þessa stundina að leggja lokahönd á handrit í fullri lengd og er að undirbúa útskriftarmyndina mína úr skólanum.“

mbl.is

Geir Ólafsson gekk að eiga Adriönu

08:44 „Ég var búinn að ákveða fyrir löngu síðan að ég vildi kvænast Adriönu. Ég veit ekki hvort ég er svona gamaldags en mér finnst skipta miklu máli fyrir barnið okkar að við foreldrarnir séum í hjónabandi. Það veitir ákveðið öryggi.“ Meira »

Breytir sér í Emmu Watson án vandræða

06:00 Förðunarbloggarinn Paolo Ballesteros á ekki í neinum vanda við að bregða sér í hlutverk stjarna á borð við Emmu Watson. Förðunarvörur koma í stað töfrasprotans í tilviki Bellesteros. Meira »

Sýnir línurnar í 20 þúsund króna kjól

Í gær, 23:59 Þó svo að Beyoncé sé þekkt fyrir að ganga í dýrum merkjavörum þá þarf hún ekki alltaf að eyða fúlgum fjár til þess líta vel út. Meira »

Fæðingin tók 27 klukkustundir

Í gær, 21:00 Gabriela Líf Sigurðardóttir á átta mánaða gamlan son. Gabriela sem lenti í erfiðleikum fyrstu mánuðina getur ekki hugsað til þess hvernig lífið væri án sonar síns. Meira »

Þú getur ekki faðmað ungabarn of mikið

Í gær, 19:00 Góðar fréttir fyrir þá sem finnst gott að knúsa hnoðrana sína en snerting er nauðsynleg ungabörnum.   Meira »

Segist bara vera sendiboðinn

Í gær, 15:58 Mikil umræða hefur átt sér stað eftir að Eiríkur Jónsson birti umdeilda grein um brjóstaskoru Kolbrúnar Benediktsdóttur saksóknara í Birnumálinu. Meira »

Er förðunin að gera þig eldri?

í gær „Þegar aldurinn færist yfir kann húð okkar og hár að breytast svo það sem virkaði um tvítugt virkar ekki jafn vel um þrítugt og svo framvegis. Hér koma tíu góð ráð til að uppfæra snyrtinguna svo hún geri sem mest fyrir okkur,“ segir Lilja Ósk Sigurðardóttir. Meira »

Hrukkurnar burt, hvað er til ráða?

Í gær, 13:38 „Hvaða meðferðir eru í boði til þess að láta djúpar skorur á milli augnanna, svokallaðar grimmuhrukkur, hverfa? Hvaða aðferð mælir þú með, hver er endingin og hvað kosta þær?“ Meira »

21 árs í ungbarnamyndatöku

í gær Það er aldrei of seint að fara í ungbarnamyndatöku að minnsta kosti ef eitthvað er að marka þau Rebeccu Hayes og David Ward. Meira »

Játningar Lindu Baldvinsdóttur

í gær Bara það eitt að selja litlu íbúðina mína í Grafarvogi og flytja mig í annað bæjarfélag reyndist mér á sama tíma bæði spennandi og örgrandi verkefni. Ég fann hvernig ég sveiflaðist á milli gleði og ótta við það nýja sem tæki við. Svo þegar ég var búin að koma mér fyrir á nýja staðnum uppgötvaði ég að þetta var svo sannarlega löngu tímabært skref þó svo að ég hugsi enn um litlu kompuna mína með væntumþykju og virðingu fyrir það skjól sem hún veitti mér. Meira »

Dýrustu kjólar í sögu Hollywood

í fyrradag Mörgum stjörnum finnst engin upphæð of há þegar kemur að því að líta sem best út en þó svo að himinhátt verð á kjólum komi okkur í uppnám þá er það bara annar dagur í lífi þeirra. Meira »

Getum við orðið hamingjusöm?

í fyrradag Er hægt að lækna afbrýðisama kærasta? Valdimar Þór Svavarsson, ráðgjafi hjá Lausninni, situr fyrir svörum.   Meira »

Andri Snær fagnaði í Tulipop

í fyrradag Fólk var í sumarskapi þegar ný Tulipop-verslun opnaði á Skólavörðustíg.   Meira »

Átti að deyja en sneri við blaðinu

í fyrradag Fyrir tveimur árum var Elena Goodall 184 kíló og borðaði nær eingöngu McDonalds og KFC. Nú hefur hún lést um 115 kíló og tekur þátt í járnkarlinum. Meira »

Kynlífið snýst bara um hann

21.8. „Kynlífið okkar er byrjað að snúast mikið um hans langanir. Mér líður eins og ég sé uppblásin dúkka. Ég vil rómans! Ég vil hrós! Ég vil forleik! Ég vil að hann taki sér tíma! Ég vil að hann kyssi mig í alvöru! Meira »

Nóttin í Elvis-húsi kostar 425 þúsund

20.8. Þeir sem vilja prófa að sofa eins og kóngar geta leigt fyrrum íbúð Elvis Presley. Nóttin kostar 425 þúsund en gestir þurfa að leigja íbúðina út í að minnsta kosti fimm nætur. Meira »

Björk og Auður á leið í sjónvarp

í fyrradag Björk Eiðsdóttir og Auður Húnfjörð, sem reka tímaritið MAN, eru á leið í sjónvarp en þær eru að fara að byrja saman með sjónvarpsþátt. Meira »

Er þetta sami maðurinn?

21.8. Fjarfestirinn Róbert Wessman hefur gjörbreyst í útliti á átta árum. Árið 2009 var hann með strípað hár og gleraugu, nú er hann með dökkt hár og skegg. Meira »

Smáforrit sem fylgist með húðumhirðu

21.8. Til er smáforrit sem að segir þér hvort raka- og hrukkukremin þín rándýru séu í raun að virka eða ekki.   Meira »

Myndir þú leigja þessa fyrir fimm milljónir?

20.8. Efst á toppi skýjakljúfs í New York er undursamleg íbúð til leigu sem kostar tæplega fimm milljónir á mánuði.  Meira »