Elísabet Englandsdrottning ljómaði eins og sól í heiði þegar hún skellti sér á listaopnun í Norwich á dögunum, og ekki nema von. Heill skari af fáklæddum og föngulegum karlmönnum í strápilsum var samankominn til að taka á móti henni.
Sýningin ber titilinn Fídjieyjar: Líf og list í Kyrrahafinu, en þar getur að líta ýmsa listmuni, svo sem skúlptúra, textílverk og keramikmuni eins og fram kemur í frétt Daily Mail.
Ef myndirnar eru skoðaðar má leiða líkum að því að drottningin hafi verið allt eins hrifin af móttökunefndinni og listmununum sjálfum.