Listamaðurinn Hugleikur Dagsson sendi Guðna Th. Jóhannessyni forseta Íslands sokka. Guðni þakkaði fyrir sig með sérstöku þakkarbréfi.
Þegar ég heyrði í Hugleik segir hann mér að sokkarnir sem hann sendi til Guðna Th. séu nýjasta afurðin hans.
„Reyndar önnur sokkatýpan sem hefur komið út frá mér en þessi er flottari. Þegar við hjá Dagsson International heyrðum af sokkablæti forystusauðs vorrar auðmjúku hjarðar kom ekki annað til greina að senda honum par. Gladdi það mitt litla skorpna hjarta að fá handskrifað svar og mun ég hér eftir geyma það næst hjartanu líkt og Samuel L Jackson gerði við sitt forsetabréf í The Hateful Eight. Mér ber skylda að taka fram að allir geta nú klæðst forsetasokkunum góðu enda fáanlegir á dagsson.com,“ segir Hugleikur.