Ivanka Trump, dóttir Donalds Trump forseta Bandaríkjanna, flutti nýverið í nýtt hús. Húsið er í Washington og kostaði 590 milljónir eða 5,5 milljónir dollara. Það ætti að fara vel um dóttur forsetans og fjölskyldu hennar en húsið er með sex svefnherbergjum og sjö baðherbergjum. Húsið er staðsett í hinu eftirsótta Kalorama-hverfi í Washington og nágrannarnir ekki af verri endanum því Obama-hjónin búa í hverfinu.
Ivanka, eiginmaður hennar Jered Krushner og börnin þrjú halda líka heimili í New York en þar eiga þau penthouse-íbúð sem metin er á rúman milljarð eða tíu milljónir dollara. Búist er við því að fjölskyldan muni eyða meiri tíma í nýja húsinu í Washington þar sem Krushner starfar í ráðgjafateymi Donalds Trumps og Ivanka hjálpar pabba sínum við ýmislegt sem tengist forsetaembættinu.