Hera Björk í fasteignasölu

Hera Björk Þórhallsdóttir.
Hera Björk Þórhallsdóttir. Ljósmynd/Sjöfn Ólafsdóttir

Ein ástsælasta söngkona landsins, Hera Björk Þórhallsdóttir, er að læra að vera fasteignasali. Þegar hún er spurð út í það hvers vegna í ósköpunum þá segir hún þetta eiginlega vera tilviljun, en samt ekki því hún hefur lengi verið kölluð „fasteignaperrinn“ af sínum nánustu.

„Ég var búin að vera að hugsa það í þónokkurn tíma að fara í nám og annaðhvort klára viðskiptafræðina sem ég byrjaði á hér í den eða byrja á einhverju nýju. En ég hafði aldrei leitt hugann að fasteignasalnum. Það er eiginlega magnað þegar ég pæli í því núna því að ég er svo að fíla þetta í dag. En ég var semsagt að selja íbúðina mína síðasta vor ásamt því að aðstoða foreldra mína við söluna á sinni eign og þá bara datt ég niður á þessa hugmynd þar sem ég sat á kaffihúsi í Kringlunni. Ég henti mér inn á netið að skoða þetta, bókaði fund með námsráðgjafa og var búin að skrá mig viku síðar í 2ja ára nám til Löggildingar Fasteigna og skipasala í Endurmenntun HÍ,“ segir Hera Björk.

Hera Björk byrjaði í náminu síðasta haust og er nú að vinna á Fasteignasölu Reykjavíkur. 

„Mig langaði til að máta mig aðeins í þessu áður en ég færi að líta í kringum mig eftir stofu. Ég byrjaði svo á Fasteignasölu Reykjavíkur núna í febrúarbyrjun,“ segir hún og það fer ekki framhjá neinum að hún kann óskaplega vel við sig. 

„Ég er að fíla þetta alveg í tætlur og er alsæl. Þetta er frábær vinnustaður með góðu fólki sem kann sitt fag þannig að ég er að læra heilan helling af þeim á hverjum degi. Mér finnst gaman að ögra sjálfri mér og þetta er klárlega ögrun fyrir mig enda mikil lögfræði og ákveðið regluverk sem þarf að fylgja og það kom mér alveg í opna skjöldu hvað ég er búin að heillast af lögfræðinni. Á dauða mínum átti ég von en ekki því.“

Það blundar sölueðli í Heru Björk og er hún ekki óvön viðskiptum. Hún rak verslunina Púkó og Smart á Laugavegi um tíma eða þangað til hún ákvað að breyta til og flytja til Chile. 

„Það vita það allir sem mig þekkja að hin stóra ástríðan í mínu lífi á eftir söngnum eru hús og híbýli og allt sem þeim fylgir. Ég hef alltaf haft mikinn áhuga á fasteignum og hef stundum verið kölluð „fasteignaperri“ af mínum nánustu því að mér þykir ekkert mjög leiðinlegt að skoða fasteignasíðurnar í fjölmiðlunum. Ég er oft kölluð til þegar mínir nánustu eru eitthvað að pæla því ég á mjög auðvelt með að sjá fyrir mér hvernig hægt er að breyta og bæta rými til að aðlaga þau nýjum íbúum. Ég veit ekki hvort ég hugsa þetta endilega sem sölustarf, tengi þetta frekar við miðlunarþörfina hjá mér og elska að hugsa hvað henti hverjum fyrir sig og máta fólk mjög oft inn í rýmin og staðsetninguna í huganum þegar ég hitti það. Það er nefnilega svo misjafnt hvað hentar hverjum og ég held ég sé með ágætis innsæi sem mun hjálpa mér við það að aðstoða fólk við það að finna drauminn sinn þegar kemur að fasteignum.“

Hvernig fasteignasali ætlar þú að vera?

„Ég ætla að vera góður, hreinn og beinn fasteignasali og vanda mig við það að sinna starfi mínu af natni og ástríðu fyrir mína viðskiptavini. Þetta er snúið starf þar sem að fasteignasalar þurfa að bera hag bæði seljanda og kaupanda fyrir brjósti og það ábyrgðarhlutverk tek ég alvarlega. Það sem heillar mig alveg einstaklega við þetta starf er sú staðreynd að flestir sem eru í þessum hugleiðingum standa á tímamótum í sínu lífi, stundum er tilefnið gleðilegt eins og stækkun/fjölgun í fjölskyldunni, ný atvinna, ný sambönd og svo framvegis. En stundum er ástæðan önnur og erfiðari eins og þegar um skilnað eða andlát er að ræða. Þetta gerir það að verkum að maður þarf að búa yfir góðum samskiptahæfileikum, eiga auðvelt með að hlusta og hjálpa fólki í gegnum þessi tímamót á sem farsælastan máta. Og þar sem ég elska breytingar og líður hvergi betur en hangandi í lausu lofti að þá held ég svei mér þá bara að ég geti orðið ágæt í því að leiða fólk yfir „brúnna“ frá einum stað til annars af virðingu og helst með bros á vör.“

Hvað skiptir máli þegar fólk selur fasteign?

„Að það sé virkilega tilbúið til þess að taka það skref og geri það vel upplýst um hvað það feli í sér að selja heimili sitt, að allt sé uppi á borðum og að þetta verði ánægjuleg upplifun. Það sem virkilega þarf að vera á hreinu er hvað hlutirnir kosta þegar upp er staðið, hversu langan tíma ferlið getur tekið í gegnum lánakerfið og bara almennt gott upplýsingaflæði á milli allra aðila þ.e. seljanda, fasteignasala og kaupanda. Fasteignaviðskipti eiga að vera ánægjuleg upplifun.“

Þegar Hera Björk er spurð að því hvernig hún hafi það þessa dagana segist hún sjaldan hafa haft það betur. 

„Ég er spennt og upprifin yfir þessari nýju stefnu í mínu lífi og hlakka til að prófa mig áfram á þessum vettvangi samhliða söngnum og söngkennslunni.“

Hvað drífur þig áfram?

„Draumarnir og markmiðin mín drífa mig fram úr á hverjum degi. Ég er ástríðudrifin manneskja og það verður að vera gaman, annars er leiðinlegt og ég er farin að leita að fjörinu annarsstaðar. Ég er í dag að sinna öllum mínum ástríðum og þannig vil ég hafa þetta enda kynnist ég endalaust nýju og frábæru fólki sem mig langar að „dansa“ við. Það er varla hægt að biðja um meira, nema kannski að koma heilsunni í betri farveg og kveðja nokkur kíló svo að maður geisli af heilbrigði á þessum hlaupum,“ segir hún og hlær! 

mbl.is

Brjóstahandklæði sem eru að gera allt tryllt

06:00 Erin Robertson hætti ekki að svitna undir brjóstunum þegar hún var að gera sig til fyrir stefnumót. Þegar hún fann enga nógu góða lausn við vandamálinu fékk hún sjálf þá stórgóðu hugmynd að hanna brjóstahandklæði. Meira »

Tímabilið sem giftar konur halda fram hjá

Í gær, 23:57 Konur og karlar íhuga framhjáhald á mismunandi tímabilum í lífinu.   Meira »

Leiðarvísir að unaðslegu bílakynlífi

Í gær, 21:00 Það getur verið skemmtilegt að stunda kynlíf annars staðar en uppi í rúmi. Bílar eru tilvalinn staður ef maður vill bregða sér út af heimilinu. Hins vegar er ýmislegt sem þarf að hafa í huga enda bæði lítið pláss og gluggar á öllum hliðum. Meira »

Stór rass góður fyrir heilsuna

Í gær, 18:00 Betra er að safna fitu á mjöðmum og rassi heldur en á magasvæðinu ef horft er á rannsókn sem mat áhættu á hjartaáfalli, heilablóðfalli og sykursýki tvö. Meira »

Afsannar mýtur um hollan mat

Í gær, 15:00 Breskur heilsubloggari að nafni Lucy Mountain vill breyta því hvernig fólk hugsar um hollustu með því að afsanna nokkrar algengar mýtur sem segja fólki hvað sé „hollt“ eða „óhollt“. Meira »

Grand í Safamýrinni

Í gær, 12:00 Endurnýjuð glæsileg sérhæð í Safamýri er komin á sölu. En hver hlutur hefur verið vandlega valin í íbúðina sem býr yfir miklum heildarsvip, Meira »

Gerir stólpagrín að líkamsræktarbloggurum

í gær Edward Lane eða Wellness Ted eins og hann heitir á Instagram finnst fólk sem birtir myndir af heilsusamlegum lífsstíl vera of alvarlegt en hann birtir reglulega myndir af sér með teiknaða magavöðva að borða óhollan mat. Meira »

116 ára gömlu húsi breytt í nútímahöll

Í gær, 09:00 Kanadísku hönnunarstofunni Audax tókst einstaklega vel upp þegar hún fékk það verkefni að taka gamalt hús í gegn.   Meira »

Dýrasta brúðkaup ársins?

í fyrradag Rússneskur stjórnmálamaður að nafni Aleksey Shapovalov rataði í heimsfréttirnar fyrr á árinu þegar hann bað kærustu sinnar með 70 karata demants-giftingahring að virði tæpra milljarð íslenskra króna. Meira »

Heldur fram hjá með fyrrverandi

í fyrradag „Hann gerði sig að algjörum bjána þegar ég fann varalit á skyrtunni hans. Maður mundi halda að menn myndu fjarlægja sönnunargögnin en þarna var það. Þegar ég talaði við hann viðurkenndi hann að hafa sofið hjá henni. Hann dirfðist að segja að þau væru sálufélagar þó svo að þau væru bara búin að þekkjast í nokkrar vikur.“ Meira »

Þyngdin skiptir ekki máli

í fyrradag Jógakennarinn Maria Odugba er lífandi sönnun þess að það er ekki samansem merki að vera mjór og að vera í góðu formi. „Ég trúi því að allir eigi að vera heilbrigðir en það þýðir ekki að fólk þarf að vera grannt.“ sagði Odugba. Meira »

Svona þværðu hárið úti í geimnum

í fyrradag Geimfarinn Karen Nyberg sýnir fólki hvernig hún heldur hári sínu hreinu á meðan hún er í geimnum.   Meira »

Taka rassamyndir í nafni sjálfsástar

í fyrradag Listakonur frá Montreal í Kanada, Emilie Mercier og Frédérique Marsille, stofnuðu 1001 Fesses, sem þýðir 1001 rass á íslensku. Meira »

Draumagarður í sinni tærustu mynd

16.8. Ertu að hugsa um að stækka pallinn eða gera garðinn ógleymanlegan? Garðurinn í kringum þetta meistarastykki ætti svo sannarlega að fá verðlaun, svo flottur er hann. Meira »

Lyftingar ekki bara fyrir fitness-stjörnur

15.8. Michelle Franklin missti 50 kíló með því að stunda lyftingar og breyta matarræðinu. Franklin sem er 51 árs gömul amma vill sýna fólki að lyftingar eru ekki aðeins fyrir fitness-stjörnur á Instagram. Meira »

Ásdís Rán vekur athygli í Bretlandi

15.8. Þyrlupróf Ásdísar Ránar hefur ekki bara ratað í fjölmiðla hérlendis, nýlega birti breska síðan Mail Online umfjöllun um Ásdísi og aðrar konur sem lagt hafa fyrir sig þyrluflug. Meira »

Klósettpappír nýtist ekki bara á klósettinu

í fyrradag Ef þú nennir ekki í ræktina er tilvalið að gera æfingar heima. Skortur á ræktartækjum er engin fyrirstaða þar sem vel má nota klósettpappír við æfingar. Meira »

Kennir hundunum um litla kynlífslöngun

15.8. „Kynlífslöngun okkar var aldrei á sömu bylgjulengdinni en síðustu fjögur ár hefur hann eiginlega ekki haft neinn áhuga á kynlífi. Hann kennir hundunum um.“ Meira »

Flottir veggir í piparsveinsíbúð

15.8. Flottir veggir og skandinavískur stíll einkenna glæsilega piparsveinsíbúð sem nýlega var tekin í gegn.   Meira »

Staðan sem fullnægir konum

15.8. Kynlífssérfræðingur hefur látið í ljós bestu kynlífsstöðuna sem lætur konur oftast fá fullnægingu.  Meira »
Meira píla