Katrín, hertogaynja af Cambridge, hefur mikil áhrif á kauphegðun kvenna út um víða veröld. Margir eru ákaflega hrifnir af stíl hennar, og þykir hún vera ein best klædda kona heims. Þar af leiðandi rjúka þær flíkur sem hertogaynjan klæðist opinberlega jafnan úr hillunum.
Á dögunum, nánar tiltekið síðastliðinn þriðjudag, skellti hertogaynjan sér út á lífið og klæddist vínrauðum blúndukjól úr smiðju Marchesa Notte eins og fram kemur í frétt Vogue. Nú er kjóllinn nær uppseldur, enda tóku kaupglaðar konur við sér um leið og myndir fóru að berast. Kjóllinn var meðal annars fáanlegur á síðu Net-A-Porter og kostaði 135 þúsund krónur.
Ekki eru þó allir sammála um ágæti tískuvitundar Katrínar. Sumir vilja hreinlega meina að hún klæði sig eins og gömul kona.
Frétt mbl.is: Katrín klæðir sig eins og gömlu konurnar