Katrín hertogaynja af Cambridge, sem eitt sinn var þekkt fyrir að nýta fötin sín vel og ganga í fatnaði í ódýrari kantinum, virðist hætt þeirri iðju en samkvæmt frétt Daily Mail stefnir hún í að eyða meiru í föt og fylgihluti í ár en nokkru sinni fyrr.

Samkvæmt frétt miðilsins var samanlagt verðmæti flíkanna sem Katrín klæddist árið 2015 í kringum 43 þúsund sterlingspund, eða sex milljónir íslenskra króna. Þá voru meðtaldar flíkur sem hún hafði áður skartað. Árið 2016 var fatnaður hennar þó töluvert dýrari, eða 174 þúsund pund, sem samsvarar rúmum 24 milljónum íslenskra króna. Þá voru aftur taldar með flíkur sem Katrín dró fram úr skápnum og dustaði rykið af.

Nú stefnir þó í metár hjá hertogaynjunni enda er hún búin að eyða 57 þúsund sterlingspundum, eða tæpum átta milljónum króna, í föt og fylgihluti það sem af er ári. Og þá er einungis verið að tala um glænýjar flíkur.

Það er eins gott að konungsfjölskyldan er ekki á flæðiskeri stödd.

Katrín má eiga það að hún er alltaf vel til höfð. AFP

Föt Katrínar hafa verið í dýrari kantinum undanfarið. AFP

Tengdar fréttir

Kóngafólk í fjölmiðlum

Þráir að hitta barnabörnin sín

• Nýgift og eiga von á barni
• Karl opnar Balmoral-kastala og seldist upp strax
• Hvernig á að tala við börn um veikindi
• Kápa Meghan kostaði yfir hálfa milljón

» Fleiri tengdar fréttir

• Blogga um frétt