Daníel leiddi Elizu Reid inn í salinn

Haraldur Noregskonungur og Sonja drottning héldu sameiginlega upp á 80 ára afmælin sín í Ósló í gær. Hann varð áttræður 21. febrúar en hún verður áttræð 4. júlí.

Af því tilefni var slegið upp glæsilegri veislu í konungshöllinni í Ósló. Haldinn var galakvöldverður í konungshöllinni þar sem Guðni Th. Jóhannesson, forseti Íslands, og eiginkona hans, Eliza Reid, voru meðal gesta. Það vakti athygl að Daníel prins  Svíþjóðar leiddi Elizu inn í veisluna en hún klæddist glæsilegum bláum kjól með blúndum að ofan.