Þóra og Melania báðar í svörtu

Þóra Margrét Baldvinsdóttir, eiginkona Bjarna Benediktssonar, og Melania Trump, forsetafrú Bandaríkjanna, voru báðar svartklæddar á fundi í Brussel. Fundurinn var haldinn svo leiðtogar Atlantshafsbandalagsins gætu rætt málin. Í þessari ferð voru makar leiðtoganna með í för.

Á meðan frú Trump klæddist þröngum kjól með berum öxlum var Þóra Margrét í kjól með kvartermum.

Matthildur drottning Belgíu var hins vegar í hvítum kjól með rauðu munstri. Klæðaburður hinna eiginkvennanna var jafnmisjafn og þær eru margar eins og myndirnar sýna.

Þóra Margrét hefur oft raðað sér á lista yfir best klæddu konur Íslands. Hún er innanhússráðgjafi og stýrir þættinum Falleg íslensk heimili sem sýndir eru á Stöð 2.