Snapchat-stjarnan Aron Már Ólafsson, oft kallaður Aronmola, og unnusta hans Hildur Skúladóttir flugfreyja eiga von á barni í janúar 2018.
Parið tilkynnti óléttu sína á samfélagsmiðlum í gærkvöldi en saman voru þau í eins peysum með sónarmynd af barninu framan á.
Aron er einn af vinsælustu áhrifavöldum Íslands en hann heldur úti Snapchat-aðgangi þar sem að tugi þúsunda íslendinga fylgjast með daglegu lífi hans. Hildur útskrifaðist með bachelor-gráðu í sálfræði frá Háskóla Íslands í fyrra og saman stofnuðu þau, ásamt Orra Gunnlaugssyni félagssamtökin Allir Gráta sem vinna að því að opna umræðuna um þunglyndi og kvíða á meðal barna og unglinga á Íslandi.
Smartland óskar parinu til hamingju með fjölgun sína!