Ísdrottningin Ásdís Rán hefur vakið athygli fyrir þyrluflugmannsprófið sitt en um hana er fjallað á vefnum Mail Online. Athygli er vakin á því í greininni að aðeins um 10 prósent þeirra sem eru með þyrluflugmannsréttindi eru konur.
Einnig er fjallað um fyrirsætuna Zintu Braukis og Andrea Puccinelli sem líka eru með þyrluflugmannspróf. En stöllurnar eiga það allar sameiginlegt að vera virkar á samfélagsmiðlum og segir meðal annars í greininni að þær séu ákafar í að hvetja nýja kynslóð áfram í fluginu.
Með greininni fylgja Instagram myndir enda lifa þær ekki bara spennandi lífi í háloftunum heldur einnig á jörðu niðri.