Ellý Ármannsdóttir lét húðflúra nafn fyrrverandi kærasta á sig og leitar nú logandi ljósi að aðferð til að láta fjarlægja húðflúrið.
„Ég gerði mestu mistök ævi minnar fyrir ekki alls löngu. Ég fékk mér húðflúr með nafni þáverandi kærasta. Hvar get ég látið taka þetta **** af mér? #égveit#ekkiorð,“ segir Ellý Ármannsdóttir á Facebook-síðu sinni.
Ellý hætti nýverið með kærasta sínum, Steingrími Erlingssyni, fyrrverandi forstjóra Fáfnis Offshore. Ellý og Steingrímur voru mjög ástfangin en nú er ástin slokknuð.
Ellý prýddi forsíðu MAN í júní og sagði þá eftirfarandi:
„Hver einasti dagur með honum er ævintýri líkastur. Við látum eins og kjánar en á sama tíma erum við samstillt og það á jafningjagrundvelli,“ segir Ellý og bætir við: „Svo drekkur hann ekki áfengi sem er mikill kostur. Líf mitt er gott núna. Mjög gott. Loksins.“