Pamela Anderson og Kristinn Hrafnsson?

Spurningin sem brennur á vörum landsmanna er: Hvers vegna voru leikkonan Pamela Anderson og Kristinn Hrafnsson ritstjóri WikiLeaks saman í gær að heimsækja Julian Assange í öryggisfangelsi í Lundúnum? Eru þau par?

Frétt af mbl.is

„Þessu verður að ljúka“

Mánuður er frá því Assange var handtekinn í sendiráðinu í Ekvador í Lundúnum og var hann í síðustu viku dæmd­ur í 50 vikna fang­elsi fyr­ir að brjóta regl­ur varðandi reynslu­lausn sína í Bretlandi fyr­ir sjö árum. Banda­rísk stjórn­völd hafa einnig farið fram á að fá hann fram­seld­an fyr­ir að hafa framið sam­særi um tölvu­inn­brot ásamt upp­ljóstr­ar­an­um Chel­sea Mann­ing árið 2010.

En eru Pamela Anderson og Kristinn Hrafnsson par? Samkvæmt heimildum Smartlands tengjast þau í gegnum Assange, sameiginlegan vin sinn. Anderson á í ástarsambandi við Adil Rami sem er franskur fótboltamaður en erlenda pressan hefur mikið velt því fyrir sér hvort það sé eitthvað á milli hennar og Assange. Tíðar heimsóknir hennar í sendiráð Ekvador í Lundúnum hafa vakið forvitni eins og mbl.is hefur áður greint frá. 

Frétt af mbl.is

Anderson í áfalli vegna handtöku Assange

Frétt af mbl.is

Heimsótti Assange í gervipels

Kristinn og Assange hafa starfað saman í fjölda ára vegna WikiLeaks og hefur vinátta þeirra verið mikil og djúp. Það er því ekki óeðlilegt að hans bestu vinir, Kristinn og Anderson, mæti saman til að heimsækja hann. 

• 1 blogg um fréttina

Bloggað um fréttina

• Ómar Ragnarsson: En hvað þetta hefur breyst lítið í 65 ár!