Helle Berry sýnir hold

Leikkonan Halle Berry er með flottan búk og því er ekkert skrýtið að hún reyni að flagga vextinum. Hún sýndi þokka sinn í splunkunýjum kjól frá Halston þegar hún mætti á FiFi verðlaunin í New York.

Um þessar mundir eru kjólar, sem sýna mikið hold, sérlega áberandi í sumartískunni. Vel vaxnar stjörnur eru óhræddar við sýna fallegan limaburð sinn. Halle Berry var þó ekki sú eina sem skartaði framúrskarandi skvísukjól því Selena Gomes sýndi hold á hátíðinni. Hún var með mjaðmirnar í beinni útsendingu og skartarði hárri klauf á meðan Karolina Kurkova mætti í reimuðum kjól frá Emilio Pucci. Þar sást greinilega hvað daman er með vel þjálfaða magavöðva.

Það voru þó ekki allar jafn smart því Gwen Stefani, Fergie og Kesha skörtuðu hræðilegum útfærslum af kjólnum.  Myndirnar hér fyrir ofan sýna það glögglega.

Gwen Stefani, Fergie og Kesha skörtuðu hræðilegum útfærslum af kjólnum. mbl.is/Samsett mynd

• 1 blogg um fréttina

Bloggað um fréttina

• Axel Jóhann Hallgrímsson: Svona fyrirsagnir eiga að varða við lög.