Viktoría Beckham ætlar greinilega að koma sjö mánaða gamalli dóttur sinni Harper Seven strax á bragðið því hún tók hana með sér á Tískuvikuna í New York sem hefst á fimmtudag.

Þetta er ekki í fyrsta sinn sem dóttirin situr ásamt tískugyðjunni móður sinni á fremsta bekk á stóru tískusýningunum því síðasta haust var hún með henni aðeins tveggja mánaða gömul á kynningum á vor- og sumarlínu Viktoríu Beckham 2012.

Beckham hélt ekki til New York til þess eins að sýna sig og sjá aðra heldur mun hún kynna þar tískulínu sína komandi haust og vetur. Flugu þær mæðgur til New York á þriðjudag og klæddust köflóttum tískufötum í stíl.