Scarlett Johansson er alltaf glæsileg til fara. DANNY MOLOSHOK

Stórstjörnurnar vestanhafs flykkjast nú á Tískuvikuna í New York til að kynna sér það nýjasta í fatnaði og fylgihlutum. Scarlett Johansson, sem á mikið af glæsilegum tískufötum og er alltaf óaðfinnanlega til fara, ætlar þó að sitja heima enda gerir hún allt til að forðast sviðsljósið og kaus að halda sig fjarri í þetta sinn.

Johansson er lítið gefin fyrir kastljós fjölmiðla og forðast ljósmyndara eins og heitan eldinn. Í viðtali við tímaritið US Weekly upplýsti leikkonan að hún myndi ekki láta sjá sig á Tískuvikunni í New York, það ætti ekki við hana að sitja þar á fremsta bekk.

Tískuvikan í New York dregur jafnan að sér mikinn fjölda fyrirmenna úr heimi tísku og kvikmynda og meðal þeirra sem sátu í fremstu röð í síðastlitið haust voru Kate Moss, Kristen Stewart og Emma Roberts.