Marta María Jónasdóttir
martamaria@mbl.is

Ameríski tískuhönnuðurinn Donna Karan sýndi DKNY-línu sína á tískuvikunni í New York í gær. Grái liturinn er í lykilhlutverki í línunni ásamt svörtum. Í sumartískunni er töluvert um svartar bryddingar á hvítum grunni. Í hausttísku DKNY eru svartar bryddingar á gráum grunni, sem er auðvitað miklu vetrarlegra.

Það er kannski ekkert skrýtið að margar konur eigi í ástarsambandi við DKNY því línurnar frá merkinu eru svo ógurlega klæðilegar og úr vönduðum efnum.