Gerðu vel við sig á Balthazar í New York
David Beckham bauð eiginkonu sinni, Victoriu Beckham, út að borða á Balthazar í New York eftir tískusýninguna. Með í för var Harper Seven Beckham.
Ljósmyndararnir þyrptust að Beckham-hjónunum þegar þau yfirgáfu staðinn. Hjónin voru eins og klippt út úr tískublaði. Hann í vel straujuðum jakkafötum og hún í svörtum níðþröngum kjól úr haustlínu sinni og í Christian Louboutin-skóm við.
Veitingastaðurinn Balthazar er á Spring Street í SoHo-hverfinu í New York og afar vinsæll á meðal fræga fólksins. Staðurinn er svolítið gamaldags með dökkum innréttingum og hvítum flísum á sumum veggjunum.
Þess má geta að staðurinn er frægur fyrir béarnaise-sósu sína og sumir koma gagngert á veitingastaðinn til að smakka hana. Ein af þeim er snyrtivörudívan Bobbi Brown.
