Gaultier féll á hnén fyrir Conchitu

Conchita Wurst, sigurvegari Eurovision í ár, var fyrirsæta fyrir Jean Paul Gaultier á tískuvikunni í París sem fram fer í þessari viku en fatahönnuðurinn hefur lýst yfir einlægri aðdáun sinni á söngkonunni. 

Jean Paul Gaultier sýndi þar Couture haust- og veturlínu sína og hlaut Wurst þann heiður að ganga síðust eftir tískugangveginum á sýningunni en oftast eru frægustu fyrirsæturnar eða uppáhalds fyrirsæta hönnuðarins fengnar til að taka þann síðasta spöl.

Gaultier sjálfur fór niður á hnén fyrir fram alla í salnum á tískusýningunni og þakkaði Conchitu Wurst fyrir þátttökuna.

Eftir að Conchita Wurst vann Eurovision keppnina fyrr í ár hefur hún verið í fararbroddi á Gay Pride hátíðum í Lundúnum, Madrid og Stokkhólmi ásamt því að vinna í nýrri tónlistarplötu.

Margt frægðarfólk var á tískuvikunni í París og vakti Emma Watson mikla athygli og hennar lekkera svarta dragt sem sjá má á myndum.