Leikkonan Megan Fox stal senunni á frumsýningu Teenage Mutant Ninja Turtles í Mexíkó í vikunni. Hún mætti í ofurfallegum síðerma kjól frá Zuhair Murad en kjóllinn er úr haustlínu tískuhússins fyrir 2014. Kjóllinn klæddi hana vel og dró fram það besta í fari leikkonunnar. Eitt af því sem hún hefur fram yfir annan kvenpening eru föngulegir fótleggir. Til þess að gera ennþá meira fyrir þá klæddist hún skóm við frá Jimmy Choo.
Til þess að setja punktinn yfir i-ið voru neglurnar rauðlakkaðar en á sama tíma voru varirnar náttúrulegar. Það er ekki hægt að mála allt rautt á sama tíma - ekki nema þú sért að fara á námskeið í trúðaskólanum.