Söngkonunni Britney Spears er greinilega margt til lista lagt en hún afhjúpaði nýja undirfatalínu í gær sem hún hannaði.
Línan var frumsýnd í New York fyrir útvalda og var Spears sjálf á staðnum til að kynna línuna fallegu. Spears klæddist rauðum flegnum samfesting frá Rhea Costa.
Rauði og svarti liturinn er áberandi í undirfatalínu Spears og er blúndan í aðalhlutverki. Í línunni, sem kallast The Intimate Britney Spears, má finna kynþokkafull undirföt, náttsloppa og undirkjóla svo eitthvað sé nefnt.
Spears var einstaklega ánægð með útkomuna og sendi frá sér skilaboð á Twitter stuttu eftir sýninguna og sagði: „En frábær upplifun. Takk fyrir New York fyrir að færa mér svona yndislega áhorfendur.“