Gataðar augabrúnir það nýjasta nýtt

Rodarte vor- og sumarlínan fyrir árið 2015 vakti mikla athygli á tískuvikunni í New York en ekki síður förðunin sem fyrirsæturnar skörtuðu á tískupallinum því þær fengu hvorki meira né minna en 16 lokka í augabrúnirnar.

Í rauninni var förðunin látlaus en lokkarnir í augabrúnunum settu heldur betur svip sinn á sýninguna. Vissulega var um gervilokka að ræða.

Gataðar augabrúnir eru það sem koma skal næsta sumar samkvæmt tískuhúsi Rodarte, á því leikur enginn vafi.