Fatahönnuðurinn Victoria Beckham var kjörin góðgerðarsendifulltrúi Sameinuðu þjóðanna fyrr í vikunni og hélt hún í tilefni þess flotta ræðu á ráðstefnu í höfuðstöðvum SÞ um það starfs sem hún hyggst vinna.
Beckham klæddist glæsilegri dragt sem virðist vera úr hennar eigin smíði en svipaða dragt mátti sjá á tískupallinum þegar hún frumsýndi haust- og vetrarlínu sína fyrir árið 2014.
Jakkinn sem Beckham klæddist var dökkblár með svörtum kraga og náði hann niður fyrir hné. Buxurnar voru svo innvíðar og klæðilegar.
Beinar línur og góð snið hafa einkennt hönnun Beckham hingað til. Haust- og vetrarlínu hennar fyrir 2014 má skoða í heild sinni á heimasíðu hennar, VictoriaBeckham.com.