Í nýjasta tölublaði Elle má finna einn krúttlegasta tískuþátt sem sést hefur þar sem fyrirsæturnar eru litlir munaðarlausir grísir.
Tískugrísirnir Lola og Hamlet standa sig vel fyrir framan myndavélina og stilla sér upp með nokkrum glæsilegum aukahlutum, svo sem Céline-handtösku, Hermés-slæðu og Chanel-sólgleraugum.
Með tískuþættinum vill Elle vekja athygli á samtökunum NY Tea Cup Piggies sem sérhæfa sig í að finna nýjan samastað fyrir litla heimilislausa grísi.