Það var mikið um dýrðir á rauða dreglinum í gær þegar American Cinematheque-verðlaunahátíðin var haldin í Beverly Hills. Gestir hátíðarinnar mætti í sínu fínasta pússi en leikkonan Kate Hudson vakti sérstaka athygli í gylltum kjól.
Hudson klæddist glæsilegum síðkjól frá Jenny Packham og frumsýndi um leið nýja háralitinn sinn en hún fékk sér fölbleikar strípur á dögunum ásamt móður sinni, Goldie Hawn.
Reese Witherspoon leit sömuleiðis vel út en hún klæddist rósóttum satínkjól frá Prabal Gurung. Leikkonan Jessica Chastain valdi svo að klæðast gulum kjól frá Givenchy sem fór henni einstaklega vel.
Matthew McConaughey mætti með sína spúsu og tóku þau sig vel út saman en McConaughey fékk sérstök heiðursverðlaun þetta kvöldið.